31 желтоқсан – сиқыр мен жарқын оқиғаларға толы күн. Өскемен қаласының әкімдігі қала тұрғындары мен қонақтарын жаңа жылдық мерекелік бағдарламаға шақырады, деп хабарлайды Altainews.kz тілшісі.

10:00-де Аблакетка стадионында (Коммунальная көшесі, 18/1) Жаңа жылдық шаңғы жарысы өтеді. Таза ауада серуендеп, белсенді күн бастаудың мүмкіндігін жіберіп алмаңыз!

21:00-ден бастап «Ғалам сағаты» атты жаңа жылдық қойылым басталады. Бағдарламада: театрландырылған көрініс, концерт, ойын-сауық және тағы да басқа қызықты шаралар қарастырылған.

01:00-де облыс орталығының төрт алаңында жаңа жылдық отшашулар болады.

Өтетін орындар:

• Республика алаңы;
• «Өскемен» аллеясы (19-ықшамаудан);
• Ульба өзенінің жаңа жағалауы;
• Комендантка жағалауы.