Қазақстан Республикасының Президенті Қасым-Жомарт Тоқаев қазақстандық БАҚ өкілдерін кәсіби мерекелерімен құттықтады, деп хабарлайды Altainews.kz  тілшісі Ақордаға сілтеме жасап.

Мемлекет басшысы атап өткендей, еліміздің бұқаралық ақпарат құралдары қоғам санасын жаңғыртып, ұлт тұтастығын нығайту жолында айрықша рөл атқарады. Баспасөз саласын дамыту, сондай-ақ журналистердің құқықтары мен заңды мүдделерін қорғау – мемлекеттің маңызды міндетінің бірі.

Сіздер қай кезде де халыққа шынайы әрі жедел хабар таратып, кәсіби біліктіліктің озық үлгісін көрсетіп жүрсіздер, деп атап өтті президент.

27 маусымда Қ.Тоқаев журналистер мен БАҚ өкілдеріне сыйлықтар мен гранттар табыстағаны белгілі.

БАҚ қызметкерлерін марапаттау рәсімінде Қасым-Жомарт Тоқаев журналистер мемлекеттік саясатты түсіндіруде ерекше рөл атқаратынын атап өтті.