Өскеменде монша өртенді
Облыс орталығындағы монша кешендерінің бірінен өрт шықты.
1 сәуір күні сағат 23.05 шамасында Әл-Фараби даңғылында монша кешенінің аумағында өрт болды, деп хабарлайды Altaynews тілшісі.
Оқиға орнына өрт сөндірушілер келгенше моншаның екі бөлмесі мен 2 моншаның шатырын жалын шарпыған.
– Өрт сөндірушілер тілсіз жауды ауыздықтау үшін магистральдық желілер төседі. Барлығы 5 бірлік техника мен жеке құрамның 24 адамы жұмылдырылып, 125 шаршы метр аумаққа тараған қызыл жалынды ауыздықтады.
Болжамды себептер бойынша өрт пешті орнату және пайдалану кезінде өрт қауіпсіздігі талаптарын бұзғаннан пайда болған.
Абырой болғанда, зардап шеккендер болған жоқ. Келушілер оқиға орнынан өзбетінше шығып үлгерген.
Оқи отырыңыз
