Футболдан 2024 жылғы Еуропа чемпионатына іріктеу сатысы жетінші турында Қазақстан құрамасы Сан-Мариноға қарсы ойнады.

Ойында 3:1 есебімен Қазақстан құрамасы жеңіске жетті. Енді Қазақстан Еуропа чемпионатына шығу үшін ойынды жалғастырады, деп хабарлайды Altaynews.kz тілшісі.

Ислам Чесноков бірінші таймның 19-минутында қарсыластар қақпасына алғашқы голды соқты. Ол 51-минутта екінші гол салды.

60-минутта Сан-Марино құрамасы Қазақстан құрамасына алғашқы гол салды. Авторы - Франкиоси. Абат Айымбетов Қазақстан - Сан-Марино матчында 90(+2) минутта пенальтиден үшінші гол соқты. 

Ойынды тамашалау үшін «Астана-арена» стадионына 30100 жанкүйер жиналды.

Қазақстандық футболшылар құрлықтық дода іріктеу сатысындағы алғашқы ойында Сан-Мариноны сырт алаңда 3:0 есебімен жеңген болатын.