Күршімде жолдар жөнделіп жатыр
Күршім ауданында ауылішілік жолдарды жөндеу жұмыстары жалғасып жатыр. Жақын күндері Күршім ауылындағы Достық көшесіне 400 метр асфальт төселді, деп хабарлайды Altainews.kz сайты.
Аталған көшенің жолы жөнделгенін тұрғындар мен көлік жүргізушілері көптен күткені рас. Себебі жол учаскесінде жөндеу жұмыстары ұзақ уақыт бойы жүргізілмеген.
- Жол жөнделгеннен соң ауыл ішіндегі қозғалыс жақсарып, жолдардағы қауіпсіздік сапасы артады деген үміттеміз, - дейді аудан әкімдігі.
Алдағы уақытта Күршім ауылының өзге де көшелерін асфальттау жұмыстары жоспарланып отыр.
Оқи отырыңыз
