Күршімнен Алғабасқа апаратын жол жөнделетін болды, деп хабарлайды Altaynews тілшісі.

Күршім ауданының жұртшылығына жағымды жаңалығымыз бар. Жылдар бойы жөнделмеген Күршім-Алғабас жолына асфальт төселмек. Жөндеу жұмыстары 19 мамырдан басталып кеткен. «Күршім» коммуналдық мемлекеттік мекемесінің басшысы Сейілбек Қалитовтың айтуынша, «Күршім-Алғабас» жолын жөндеу жұмыстарын «Марқакөл жолдары» ЖШС тендермен ұтып алған. Жөндеу жұмыстарына 110 млн теңге бөлініп отыр.