Қазақстан өңірлері коронавирус жұқтыру өсімі бойынша үш топқа бөлінді. Шығыс Қазақстан 3-ші топқа жатады, яғни, ауру өсімі 5 пайыздан төмен.

 Бұл туралы денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің төрағасы Тимур Сұлтанғазиев мәлімдеді.

«Біз өңірлерді үш топқа бөлдік. Өсім деңгейі 7%-тен асатындар, өткен аптада олардың саны біраз болды. Олар Ақтөбе, Түркістан, Ақмола, Жамбыл, Қостанай облыстары. Екінші топта вирус жұқтыру өсімі 7%-тен төмен өңірлер, олар Алматы, Павлодар, Солтүстік Қазақстан, Қарағанды облыстары, Алматы мен Нұр-Сұлтан қалалары. Үшінші топта өсім 5%-тен төмен, олар Шығыс Қазақстан, Қызылорда және Маңғыстау облыстары", - деді Сұлтанғазиев денсаулық сақтау министрлігінің әлеуметтік желідегі парақшасында өткен тікелей эфирде.

Министрлік карантиннің жеңілдегенін ескеріп, жедел штабтарға бақылауды күшейтіп, рейдтік тексерістер өткізуді ұсынған.