Өскеменде тұңғыш рет керлинг турнирі өтті, деп хабарлайды Алтайньюс тілшісі.

Дене шынықтыру және спорт басқармасы мәлімдегендей, облыстық бәсекеде 5 команда бақ сынады. Жарыс қорытындысы бойынша Ұлан ауданының командасы І орынға ие болды. Д. Серікбаев атындағы ШҚМТУ командасы ІІ орын, «Lucky stone» командасы ІІІ орынды иеленді.

– Керлинг турнирі өңірде алғаш рет өтіп отыр. Тарихи оқиға деуге де болады. Аз уақыт ішінде аталмыш спорт түріне қызығушылардың қатары арта түсті. Алдағы уақытта жарысты дәстүрлі түрде өткізіп тұрамыз, – дейді спорт басқырмасының басшысы Денис Рыпаков.