Өскеменде Жаңа жыл мерекесінде екі балкон өртеніп кетті, деп хабарлайды Altaynews тілшісі. Бұл туралы қалалық Төтенше жағдайлар қызметі мәлім етті.

Құтқарушылар тобының айтуынша, екі балкон бір уақытта, нақтыласақ түнгі сағат  00:00 шамасында жана бастаған. Абырой болғанда зардап шеккендер жоқ, өрт бірден ауыздықталыпты. Жалын 5,5 шаршы метрді шарпып өткен. Әзірше өрттің шығу себептері анықталып жатыр. Естеріңізде болса, былтыр Жаңа жыл кешінде қала бойынша үш балкон өртке оранған еді.

Айтпақшы өрт шыққанда екі үйде де ешкім болмаған.