Өскеменде қан тапсырып, екі күнге дем алуға болады. Сондай-ақ мың теңге сыйақы беріледі, деп хабарлайды Алтайньюс тілшісі.

Осындай ерекше акцияны Шығыс Қазақстан облыстық ауруханасы Донор күніне орай арнайы өткізіп отыр. Қатысуға ниет білдірушілер 7 тамыз күні сағат 9.00-14.00 аралығында Протозанов көшесі, 7 мекенжайынан табылуы тиіс.

– Қан тапсырғаннан кейін донорларға екі күнге анықтама және 1000 теңгеге қоса беріледі, – деп атап өтті ұйымдастырушылар. – Сондай-ақ бұл күні донорлар тегін анализ тапсырып, өздерінің қан тобы мен резус-факторын біле алады. Ал қажет болған жағдайда зертханалық зерттеулер туралы ресми анықтама ала алады.

Айтпақшы, жеке кәулігіңізді ұмытпаңыз.