Қазақстан мұсылмандары діни басқармасының Өскемен аймағы өкілдігі оқушылар арасында «Қазақ даласындағы Ислам айшықтары» атты қылқалам және майлы бояумен салынған көркем сурет байқауын жариялайды. Байқауға 1-11 сынып оқушылар қатыса алады, деп хабарлайды Алтайньюс тілшісі.

Байқауға Қазақстандағы мешіт, медресе, кесене және тағы басқа да тарихи орындардың қылқалам және майлы бояумен салынған суреті қабылданады.

"Суреттерді түпнұсқа қалпында 2019 жылдың 1 тамызына дейін Өскемен қаласы Сатпаев даңғылы, 90 - «Халифа Алтай» мешітінің мекенжайына жолдау керек. Ауылдық, аудандық, қалалық мешіттер арқылы да жолдауға болады. Сонымен қатар «Халифа Алтай» мешітіне әкеліп тапсыруға болатындығын ескертеміз", - дейді "Халифа Алтай" мешітінің қызметкері Әскерхан Ақтай.