Өскемен полицейлері қандай жағдайда автокөлікке жарнама жапсыруға болмайтынын айтты, деп хабарлайды Алтайньюс тілшісі.

— Жарнамаларды көліктің айналары мен артқы әйнектеріне, сондай-ақ машинаның алдыңғы және артқы беттеріне орналастыруға тыйым салынады, – деп мәлімдеді Өскемен қалалық полиция басқармасының баспасөз қызметі.

Сонымен қатар жарнамада қандайда бір тауар өндірушілердің мекенжайы, қызмет түрлері, байланыс телефондары мен электронды пошталары жазылмауы тиіс.

– Тәртіп бұзылған жағдайда жүргізушіге бес айлық есептік көрсеткіш мөлшерінде айыппұл салынады (12 625 теңге). Сондай-ақ автомобильден мемлекеттік тіркеу нөмірлік белгілері алынып тасталады, – деп түйді Полиция басқармасының баспасөз қызметі.