Өскеменде «Тәуелсіздік туын тіккендер» фотосурет көрмесі ашылды
Өскемен қаласындағы О.Бөкей атындағы кітапханада «Тәуелсіздік туын тіккендер!» фотосурет көрмесі ашылды.
Көрмеге арқау етілген фотосуреттер шығысқазақстандық желтоқсаншылар сыйға берген кітапқа сүйеніп шығарылған, деп хабарлайды Altaynews тілшісі.
Бұл кітапты әркім алып оқи бермейтіндіктен келушілерге фотосурет арқылы көрсетіп таныстыру мақсат етілді.
Көрмеде Желтоқсан көтерілісіне шыққан қайсар мінезді қайраткерлердің суреттері, өмірбаяндары беріліп, олар туралы жазылған кітаптар, газеттер мен журналдар топтастырылған. Қала халқы қазіргі заманның батырларымен жақын танысып, сол бір қиын заматтың тыныс-тіршілігіне бойлай алады.
- Таяуда №3 мектеп оқушылары руханият ошағына келіп, көрмені тамашалап кетті. Олар көрмеге қойылған фотосуреттердегі тың ақпараттарды смартфондағы гугл-аудармашы арқылы бірнеше тілде оқи алды. «Тәуелсіздік туын тіккендер!» көрмесі 28 желтоқсанға дейін жалғасады. Тарихымызды танытатын көрмеден қапы қалмаңыздар. Сіздерге есігіміз әрдайым ашық!, - дейді О.Бөкей атындағы кітапхана директорының орынбасары Жанат Жиенбекова.
Оқи отырыңыз
Балалар қылқаламынан шыққан суреттердің көрмесі өтіп жатыр – ШҚО"Ра-курс" сурет көрмесі ашылды - ӨскеменА. С. Пушкин атындағы облыстық кітапханада «Баламалы энергия көздері. Германияда жасалған» технологиялық көрмесі ашылдыА. С. Пушкин атындағы облыстық кітапханада «Дәуір белесі газетте» ретро-көрмесі ашылды (+сурет)ШҚО-да ескі фотосуреттер байқауы жарияланды
