1 шілдеде Астана күніне орай Өскемен қаласындағы А.С.Пушкин атындағы облыстық кітапханада «Өз астанаңды бейнеле» атты сурет көрмесі ашылды.

Ниет білдірген адамдар көрмені 6 шілдеге дейін тамашалай алады, деп хабарлайды Altaynews тілшісі.

Көрмеге «Жұлдыз» балалар өнер мектебінің, дарынды балаларға арналған Жамбыл атындағы облыстық мамандандырылған мектеп-гимназия-интернатының, ҚР Суретшілер одағының ШҚ филиалының жанындағы балалар мен ересектерге арналған «Горный ручей» шығармашылық даму орталығының жас суретшілері салған жұмыстар қойылды.

Көрменің модераторы – Қазақстан Журналистер одағының мүшесі, суретші, фотограф Мерей Қайнарұлы.

Шараны өткізген ұйымдастырушылар Астана күнін атап өту арқылы әр жастың бойындағы отансүйгіштік пен елге деген құрметті арттыруды мақсат тұтқан.