Мемлекет басшысы Қасым-Жомарт Тоқаевтың Ұлттық құрылтайдың үшінші отырысында тіліміздің қолдану аясын кеңейте түсу мемлекеттік саясаттың басты бағыты болып қала беретінін айтты, деп хабарлайды Altainews.kz сайты Ақорданың Telegram-дағы ресми арнасына сілтеме жасап.

Президент ана тілді ұлықтау біз үшін мызғымас ұстаным екенін атап өтті.

Қазір ірі кітап дүкендерінде қазақ тіліндегі туындылардың үлесі арта түсті. Соңғы кезде баспагерлердің жаңа буыны әлемдік бестселлерге айналған шығармаларды аударып жүр. Көптеген кітаптарды шығарып жатыр. Аударылған кітаптардың ішінде көркем әдебиет қана емес, іскерлік бағыттағы туындылар да көп. Мемлекеттік саясаттың мәні – осында, – деді Қасым-Жомарт Тоқаев.

Президент мемлекеттік тілге қатысты құр сөзден ештеңе шықпайтынын, одан да нақты іске көшу жөн екенін атап өтті.