Халықты жұмыспен қамтуға бөлінген қаржыны талан-таражға салған
pixabay.com
Түркістанның еңбек мобильділігі орталығында іс жүзінде жұмысқа тұрмаған адамдарға 130 млн теңге төленген.
Қаржылық мониторинг агенттігі облыс прокуратурасының үйлестіруімен Халықты жұмыспен қамту саласы бойынша бөлінген бюджет қаражатын талан-таражға салу деректеріне қатысты бірнеше қылмыстарды әшкерелеген, деп хабарлайды Altainews.kz тілшісі.
Облыстық жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» КММ-ның қызметкерлері мемлекетке 130 млн теңгеден астам залал келтірген.
– «Еңбек мобильділігі орталығы» КММ-ның жауапты тұлғалары «2021-2025 жылдарға арналған кәсіпкерлікті дамыту жөніндегі ұлттық жобасы» аясында субсидияланған жұмыс орындарына қатысушы тұлғалардың жалақыларын төлеу барысында, бірқатар кәсіпорындардың басшыларымен адамдар тобы болып сөз байласа отырып, мекемелерде іс-жүзінде жұмыс жасамайтын 132 азаматтың жеке деректерін «Еңбек нарығы» автоматтандырылған ақпараттық жүйесіне енгізіп, оларға аударылған айлық жалақыларын иемденіп отырған, – деп хабарлады ҚР Қаржылық мониторинг агенттігі.
Тергеу жалғасуда.
Оқи отырыңыз
Қазақстанда биыл миллионға жуық адам жұмысқа орналасады«Бюджет қаражатын талан-таражға салу». ШҚО-да 15 қылмыстық іс тергеліп жатырХалықты жұмыспен қамту орталықтары жұмысын тоқтатадыШҚО-дағы жұмыспен қамту мекемелері халыққа жалған ақпарат беріп келгенСемейде сауда өкілі жұмыс орнындағы қаражатты жымқырған
