Энергетика министрлігі қазір интернетте министрлік басшылығының аты-жөні аталатын жалған жарнама таралып жатқанын ескертті.

"Қазіргі уақытта әлеуметтік желіде Еуропаға мұнай мен газ экспортынан жоғары пайда табуға үндейтін газ саласындағы әлдебір қаржылық платформалар туралы вирустық жарнама таралып жатыр. Вирустық жарнаманы ілгерілету кезінде Қазақстан энергетика министрлігі басшылығының есімдері аталады", - делінген хабарламада.

Энергетика министрлігі таратылып жатқан вирустық жарнаманың жалған екенін мәлімдеді.
Ведомство қазақстандықтардан қырағы болуға және тек ресми дереккөздерге сенуге шақырды.
Энергетика министрлігінің қызметі туралы ақпарат ведомствоның ресми сайтында, сондай-ақ энергетика министрлігінің әлеуметтік желілердегі ресми парақшаларында ғана жарияланады.

"Сондай-ақ қаржы мониторингі агенттігі жалған қаржы компанияларының жалған ақпаратты жиі тарата бастағанын тұрақты негізде ескертіп келеді, онда азаматтарды сендіру үшін танымал компаниялар мен банктердің логотиптерін, жаңалықтар порталдарын пайдаланады, сондай-ақ қатысушы ретінде танымал тұлғаларды атайды", - делінген хабарламада.