Облыс әкімі Даниал Ахметов халықты ұлық мейраммен құттықтады. Өңір басшысы наурыздың көп ұлтты еліміздегі бірлікті нығайта түсетінін айтты. 

- Жаңару мен жаңғыру наурызда басталады. Біз ел бірлігі мен мемлекеттік сындарлы саясатының арқасында барлық сынақтардан абыроймен өтеміз. Еліміздің басқа аймақтарымен бірге ШҚО да өңірдің барлық салаларында жетістіктерге қол жеткізді, - дейді облыс әкімі Даниал Ахметов.

Жақында ғана Президент Қасым-Жомарт Тоқаев Абай облысының құрылатыны жөнінде айтты. Семейліктер бұл жаңалықты наурызға сый деп қабылдады.

- Ұлыстың ұлы күнінде ұлылар мекеніне жақсы жаңалық әкелді. Ел Президентінің бастамасымен Семей аймағында Абай облысы құрылады. Бұл қадам еліміздің рухани орталығы Семей қаласын дамытуға жаңа серпін береді, - деді Даниал Ахметов.