Астана қаласының қылмыстық істер жөніндегі мамандандырылған ауданаралық соты Ұлттық қауіпсіздік комитетінің бұрынғы төрағасы Кәрім Мәсімовке және оның орынбасарлары А.Садықұловқа, Д.Ерғожинға, М.Осиповке қатысты қылмыстық іс бойынша үкімін жария етті.

2022 жылы 6 қаңтар күні Ұлттық қауіпсіздік комитеті Кәрім Мәсімовке мемлекетке сатқындық жасады деген айып тағып, ҚР Қылмыстық кодексінің 175-бабының 1-бөлігі бойынша тергеуге алған еді. Сонымен қатар оның орынбасарлары да күдікке ілінген, деп хабарлайды Аltaynews.kz тілшісі Egemen.kz сайтына сілтеме жасап.

Бұған дейін Бас прокурор Кәрім Мәсімовтің 17 жылға дейін бас бостандығынан айырылуы мүмкін екенін айтқан.

Сот процесі «аса құпия» түрде өткізілді. 

Сотталғандардың мал-мүліктері де тәркіленді. Алайда өндірілген қаржыны мемлекетке қайтару туралы шешім заңды күшіне енген жоқ.