11 маусым күні ПД Криминалдық полиция басқармасының жедел уәкілдеріне үйінде атыс қаруын сақтайды деген ер адамға қатысты жедел ақпарат келіп түсті.

Оның тұрғылықты жерін тінту барысында 26 жастағы жергілікті тұрғыннан оқ-дәрілермен жабдықталған револьвер, сондай-ақ автоқалам ретінде жасырылған қолдан жасалған атыс қаруы тәркіленді.

Жүргізілген сараптама нәтижелері бойынша қолдан жасалған қалам- 5,6 мм калибрлі бір оқтаулы тапанша екені анықталды, револьвер 9 мм калибрлі газ патрондарымен атуға жарамды болып шықты.

«Аталған азамат бұрын сотталған, қазіргі уақытта оған қатысты ҚР ҚК-нің 287-бабы 3-бөлігі бойынша сотқа дейінгі тергеу жүргізілуде, оның санкциясы 5 жылға дейінгі мерзімге бас бостандығынан айыру түріндегі жазаны көздейді. Тергеу органы одан тыйым салынған заттарды табуға байланысты барлық мән-жайларды анықтайды», - ШҚО ПД бастығы Сағат Мадиев.

Жедел-алдын алу іс-шарасы басталғанннан бері 28 күн ішінде ШҚО полицейлері заңсыз айналымнан 58-ден астам атыс қаруын, оның ішінде түрлі модификациялы және калибрлі шолақ мылтық, тапаншалар мен ойық мылтықтар алынды.