Өскемен қаласында қазақтың ұлы ақыны Абай Құнанбайұлына ескерткіш қойылды, деп хабарлайды Ұлттық арна.

Ұлт ұстазының 175 жылдық мерейтойына орай жасалған бюст облыс орталығындағы гуманитарлық колледж алдына ортанылған.

Қоладан құйылған ақын сұлбасының жалпы биіктігі 4 метрге жуық.

Айта кетейікғ ғасырға жуық тарихы бар, ұстаздар даярлайтын осы білім мекемесіне де биыл Абай есімі берілген. Ақынның тұлғасы мен мұрасын ұлықтау мақсатында колледжде абайтану кабинеті де ашылған.   

- Абай кабинетімен бірге біз биыл педагогикалық кеңестің шешімімен Абай шәкіртақысын беріп отырмыз. Биыл бірінші бала осы шәкіртақыны алып отыр. Бұл балалардың жалпы білімге деген, ғылымға деген қызығушылығын арттырады деп ойлаймын, - дейді Абай атындағы Шығыс Қазақстан гуманитарлық колледжінің директоры Фархат Құрманов

Іс-шараның қорытынды бөлімі ретінде Республикалық «Абай тағылымының бүгіні мен ертеңі» атты Абай сағаты өткізілді.

Дөңгелек үстелге қатысушылар Абайдың тағылымын дәріптеп, пікір алмасты. Сонымен қатар, қазақ халқының маңдайына біткен  ұлы тұлғасы  қазақтың бас ақыны, ғұлама, ойшыл Абай Құнанбайұлының 175 жылдық мерейтойы аясында бірқатар тұлғалар Абай атындағы Халықаралық мәдениет пен Өнерді қолдау қорының атынан марапаттарға ие болды.