Ауа температурасының күрт төмендеуіне байланысты 16 қаңтар күні сағат 19:00-ден бастап Шығыс Қазақстан облысында қоғамдық және дизель отынымен жүретін көліктер үшін республикалық маңызы бар жолдарда уақытша шектеу енгізіледі, деп хабарлайды Altainews.kz.

Шектеу 7 жол учаскесін қамтиды. Атап айтқанда:

«Өскемен – Семей» бағытының 10–103 шақырымы, (Герасимовка ауылы – Абай облысының шекарасы);

«Өскемен – Риддер – РФ шекарасы» автожолының 15–105 шақырымы, (Белоусовка кенті – Риддер қаласы);

«Өскемен – Алтай – Үлкен Нарын – Катонқарағай – Рахман қайнары» бағытының 7–450 шақырымы, (Ушановское ауылы – Рахман қайнары);

«Алматы – Талдықорған – Өскемен – Шемонаиха – РФ шекарасы» автожолының 1104–1212 шақырымы, (Глубокое кенті – Шемонаиха қаласы – РФ шекарасы) және 1013–1062 шақырымы, (Абай облысының шекарасы – Алмасай ауылына бұрылыс);

«ҚХР шекарасы – Майқапшағай – Қалбатау – Семей – Павлодар – РФ шекарасы» – Қалжыр – Марқакөл бағытының 0–124 шақырымы, (Дайырово ауылына бұрылыс – Марқакөл ауылы), сондай-ақ 
– 1103–1256 шақырым аралығы (Абай облысының шекарасы – Зайсан қаласына дейін);
– 1258–1321 шақырым аралығы (Зайсан қаласы – ҚХР шекарасындағы Майқапшағай бекетіне дейін).

Төтенше жағдайлар қызметі жүргізушілерді ауа райының қолайсыздығына байланысты жолға шықпауға, ресми ақпаратты қадағалап, қауіпсіздік талаптарын қатаң сақтауға шақырады.