Өскеменде өткен жылы аяқсыз қалған 4 аула биыл абаттандырылады
Шартты сурет
Өткен жылы облыс орталығындағы жөндеу жұмыстары аяқталмай қалған төрт аула биыл толықтай абаттандырылмақ. Ол үшін қала бюджетінен қаражат бөлінді.
Бұл туралы Өскемен қалалық мәслихатының төрағасы Александр Светаш айтты, деп хабарлайды Altaynews тілшісі.
– Ағымдағы жылы қаладағы аулаларды абаттандыруға бюджеттен қаражат бөлінді. Өткен жылы 4 аулада жөндеу жұмыстары аяқталмай қалған болатын. Атап айтсақ, Астана көшесі, 34, Әуезов даңғылы, 13, 15, Қазақстан көшесі, 80-90, Қазақстан көшесі, 91-95 мекенжайларындағы аулалар, – деді Александр Светаш.
Ол сондай-ақ жазғы кезеңге дейін қала бойынша 15 субұрқақ кешені жұмыс істейтінін айтты. Айта кетейік, бұған дейін қала әкімі Жақсылық Омар облыс орталығын ауқымды өзгерістер күтіп тұрғанын айтқан болатын.
Оқи отырыңыз
