Өскемендегі екі бау-бақша серіктестігі электр энергиясымен қамтамасыз етіледі
Биыл облыс орталығындағы екі бау-бақша серіктестігін электр энергиясымен қамтамасыз ету жоспарланып отыр.
Бұл туралы шағын аудан тұрғындарымен кездесу барысында Өскемен қаласының әкімі Жақсылық Омар айтты, деп хабарлайды Altaynews тілшісі.
Бау-бақша серіктестіктерінің тұрғындары қала басшылығынан электр энергиясын тартуды көптен бері сұрап жүрген болатын.
– Желілердің құрылысы "Звездный" бау-бақша серіктестігінде басталды. Оның ұзындығы 12 шақырымнан аспақ. Яғни ол 90 үй және 460-тан астам адамды электрмен жабдықтауға мүмкіндік береді. Электр желілерін тарту жұмыстары келесі жылы аяқталуы керек, – деді қала әкімі Жақсылық Омар.
Сондай-ақ биыл "Светоч" бау-бақша серіктестігінде желілер құрылысын аяқтау жоспарда бар. Сондай-ақ ол жерге төрт трансформаторлық қосалқы станция орналастырылуы керек. Оның арқасында 400-ден астам үй электрмен жабдықталады.
Оқи отырыңыз
