11 маусым күні облыс орталығындағы ҚТҚ полигонынан өрт шықты.

Тілсіз жауды ауыздықтау үшін барлығы 18 бірлік техника мен 42 адам жұмылдырылған, деп хабарлайды Altaynews тілшісі.

Өртті сөндіруге ШҚО ТЖД-дан 8 бірлік техника және жеке құрамның 32 адамы, "Өскеменспецкоммунтранс" ЖШС кәсіпорнынан 6 қызметкер және 6 бірлік техника, "Таза Өскемен" ШЖҚ КМК-дан 2 адам және 2 бірлік техника, сондай-ақ "Өскемен водоканал" ШЖҚ КМК-дан 2 адам, 2 бірлік техника тартылды.

Түнгі сағат 00.01 шамасында 0,1 га алаңды шарпыған қызыл жалын ауыздықталды. Абырой болғанда, зардап шеккендер болған жоқ.