Қазақстан азаматтарына Кореяда заңды жұмыс істеуге рұқсат берілуі мүмкін
kaz.365info.kz
Алдағы уақытта ел азаматтарына Кореяда заңды түрде жұмыс істеуге рұқсат берілуі мүмкін.
Бұл туралы Корея мен Қазақстанның Сыртқы саяси ведомство басшылары кездесуінің қорытындысы бойынша елордада өткен баспасөз мәслихатында министр Мұрат Нұртілеу мәлімдеді, деп хабарлайды Altaynews тілшісі BAQ.KZ-ке сілтеме жасап.
– Келіссөзде министр Пак Чжинмен ықпалдастығымызды әрі қарай дамыту жолдары жөнінде нәтижелі пікір алмастық. Энергетика, металлургия, денсаулық сақтау, ІТ және цифрландыру саласындағы озық технологиялар, автокөлік жасау, ауыл шаруашылығы, өнәркәсіп және өзге де бағыттарда корейлік компаниялармен өзара тиімді іс-әрекеттестік орнатуға мүдделі екенімізді тағы да қуаттаймын, – деп атап өтті ведомство басшысы.
Сонымен қатар ол Корея министрімен халықтар арасындағы байланыстың маңыздылығын ескеріп, екі ел азаматтарының еңбек және көші-қон құқықтарын қамтамасыз ету мәселесін ортаға салғанына тоқталды.
– Өз тарапымнан Қазақстан азаматтарының Кореяда заңды жұмыс істеуіне, әсіресе Кореяның «Еңбекке рұқсат беру жүйесінің» тізіміне Қазақстанды қосу еліміз үшін аса маңызды екеніне назар аудардым, – деді Мұрат Нұртілеу.
Оқи отырыңыз
