6 маусымда Өскемен қаласындағы А.С.Пушкин атындағы облыстық кітапханада әйгілі қаламгердің туған күніне орай мерекелік іс-шара өтті.

Таңертеңнен бастап кітапхана алаңында сол дәуірдің музыкасы шырқалып, әдеби көрме, танымдық викторина мен квест ұйымдастырылды, деп хабарлайды Altaynews тілшісі.

Шара шеңберінде жазушының Қазақстанға жасаған шығармашылық сапарының нәтижесі туралы баяндайтын «Ұлылар үндестігі: Абай мен Пушкин» әдеби экспозициясы  ұсынылды.

Мереке барысында қаламгердің ескерткішіне гүл шоғын қою рәсімі өтіп, кейін кеш мерекелік бағдарламамен жалғасқан. Ақынның өлеңдері ағылшын, неміс, француз, түрік, қытай тілдерінде оқылып, шығармашылық ұжымдар ән шырқады.

Оқырмандар кітапхана сайтында орналастырылған «Абай және Пушкин» көрмесін қызықтай алады.