Құтқарушылар Глубокое ауданында шұңқырға құлап кеткен ер адамға көмектесті.

25 тамызда түнгі уақытта үйіне қайтып келе жатқан ер адам Ушанов көшесінде шұңқырға құлап кеткен, деп хабарлайды Altaynews тілшісі.

Оқиға орнына жеткен ШҚО ТЖД Жедел құтқару жасағының мамандары тереңдігі 25 метр болатын шұңқырға түскен. «Жедел жәрдем» қызметінің фельдшері науқасқа алғашқы медициналық көмек көрсетіп, аяғын таңып берген.  

Содан кейін ТЖ қызметінің мамандары 1975 жылы туған ер адамды зембіл қолданып көтеріп шығарып, жедел жәрдем дәрігерлеріне табыстады.

Төтенше жағдай кезінде «112» нөмірі арқылы хабарлау қажет.