Құтқарушыларға Өскемен қаласы Машиностроители көшесінде шұңқырға бұзау құлап кеткені туралы ақпарат жеткен.

Оқиға орнына жедел жеткен құтқарушылар шұңқырдың тереңдігі шамамен 5-6 метр екенін анықтаған, деп хабарлайды Altaynews тілшісі.

Мамандандырылған жасақ қызметкерлері шұңқырдан бұзауды арқанмен тартып шығарды.

ШҚО ТЖД жануар асырайтын азаматтарға үй жануарларын қараусыз қалдырмау және арнайы орында бағу керектігін ескертті.

Төтенше жағдай кезінде «112» нөміріне қоңырау шалу қажет.