Өскемен қаласында серуендеп жүрген әйел адам кәріз құдығына құлап кетті.

Әйел адам тереңдігі шамамен 5 метр болатын құдықтан шығарылды, деп хабарлайды Altaynews тілшісі.

Оқиға Өскемен қаласындағы Қабанбай батыр мен Новаторлар көшесінің қиылысында болған. Әйел адам серуендеп жүріп, құдыққа құлап кеткен көрінеді. Жанындағы ер адам ТЖ қызметін шақырған.

Оқиға орнына жеткен ШҚО ТЖД мамандандырылған жасағының қызметкерлері әйел адамды тереңдігі шамамен 5 метр болатын құдықтан алып шығып, жедел жәрдем дәрігерлеріне тапсырған.