Алтай ауданында қысқы жылу беру маусымына дайындық жұмыстары жүргізілуде.

Аудан әкімінің орынбасары Ренат Құрмамбаев аудандық қазандықта болып, жұмыс барысымен танысты, деп хабарлайды Altaynews.kz сайты.

Аудандық қазандықтағы барлық жоспарланған жұмыстар аяқталған екен. Көмірдің нормативті қоры әзірленіп жатыр. Қазіргі уақытта 14 200 тонна сатып алынды. Жылу маусымын бастау үшін көмір қоры 24-25 тонна болуы керек.

Аудандық қазандық ұжымы тұрғындарға сапалы қызмет көрсетуде, жылу беру маусымында көпқабатты үйлердің тұрғындарынан шағым түскен жоқ. Бірақ бүгінде тұрғындардың алған жылу мен ыстық суға қарызы 158 млн. теңгені құрайды. Сонымен қатар, тұрғындар үйлерін қысқа дайындауға асықпайтын көрінеді: 457 көпқабатты үйдің 68-і ғана әзірлік актісін тапсырмаған.

Ренат Тілеуханұлы көпқабатты үй тұрғындарына қарыздарын өтеуді, мүмкіндігінше бірнеше айға коммуналдық төлемдерді төлеуді сұрады.