«Таза Өскемен» қаланы көктемгі тазалау жұмыстарына кірісті
Қала ішіндегі қар еріп кетті, тек көлеңкелі аумақтарда қалды. Енді қаланы көктемге қарай ретке келтіру керек, деп хабарлайды Altainews.kz тілшісі.
"Таза Өскемен" қыстан кейін муниципалды инфрақұрылымды санитарлық тазарту бойынша маусымдық жұмыстарға кірісті.
- Қазіргі басты міндет – аялдамаларға және автожолдарға көктайғаққа қарсы себілген қиыршық тас пен құмды жинап алу. Өйткені желдің екпінімен құрғақ шаң ауаға көтеріледі, - деп хабарлады "Таза Өскемен" коммуналдық мекемесінің баспасөз қызметі. - Сонымен қатар, қар астынан шыққан түрлі қоқыстарды дереу тазалау қажет.
Күндіз халыққа ыңғайсыздық тудырмас үшін қаланы механикалық тазарту жұмыстары түнгі мезгілде жүргізілетін болады.
Ауа райы қолайлы болған уақытта жұмысқа жуып-тазарту көліктері қосылады.
Оқи отырыңыз
