Коммуналдық қызметтер толассыз жауған қармен арпалысып жатыр – Өскемен
Фото: almaty.tv
Облыс орталығында бірнеше күннен бері толассыз қар жауып тұр. Коммуналдық қызметтерде күшейтілген режимде жұмыс істеуде.
Қазір қаланы қардан тазарту жұмыстары тәулік бойы жүргізіліп жатыр, деп хабарлайды Altaynews.kz тілшісі.
Десе де, коммуналдық қызметтер күндізгі уақытта қала көшелерін толықтай тазарту мүмкін еместігін айтады. Себебі тұрақта тұрған көліктер қар тазалайтын техникаға кедергі келтіреді.
- Аялдама кешендері мен жаяу жүргіншілер өткелдерін арнайы техника өткеннен кейін тазартамыз. Кей тротуарлар тұрғын үйлермен өте жақын орналасқандықтан техникамен тазарту мүмкін болмайды. Сондықтан ол жерлерді қар шығарғанда тазартылады. Ауыр техника күндіз жеңіл көліктерге кедергі келтірмеуі үшін көбіне жұмыстар кешкі уақытта жүргізіледі, - дейді «Таза Өскемен» кәсіпорны.
Айта кету керек, жеке секторда тұратын тұрғындар ауланы өздері тазалайды. Ал көппәтерлі тұрғын үй аулаларын МИБ немесе ПИК тазартуға міндетті.
Оқи отырыңыз
