ШҚО дәрігерлері эндоскопияның жаңа әдістерін меңгерді
![](/kz/uploads/posts/2024-05/whatsapp-image-2024-05-27-at-10_35_32.webp)
Фото: МӘМС қорының ШҚ филиалы
ШҚО мамандандырылған медициналық орталығында «ENDO Oskemen 2024» атты эндоскопия бойынша шеберлік сабағы өтті. Іс-шараға облыстың эндоскопистері, хирургтары, гастроэнтерологтары және резидент-дәрігерлері қатысты, деп хабарлайды Altainews.kz тілшісі.
Алматы қаласынан арнайы шақырылған Privat клиникасы эндоскопия бөлімінің меңгерушісі Нұркен Әбдиевтің жетекшілігімен өңешке жеті ота жасалды. Медициналық орталықтың конференц-залында оталардың трансляциясы көрсетілді, дәрістер оқылды. Атап өтерлігі, МӘМС аясында бұл операциялар тегін жасалды.
Іс-шараны «Эндо Старс», «Pentax Medical», «ФармГранд» және «Bowa Medical» мекемелері ұйымдастырды.