Кезекті күрделі ота сәтті жасалды - ШҚО
Облыстық онкологиялық орталықтың дәрігерлері 53 жастағы науқастың өңеш қатерлі ісігіне күрделі операция жасады.
ШҚО онкология және хирургия көпсалалы орталығының мамандары өз тәжірибелерінде қатерлі ісіктің әртүрлі түрлерін емдеудің заманауи жоғары технологиялық әдістерін табысты меңгеруде, деп хабарлайды Altaynews тілшісі.
Ақ халаттылар жақында өскемендік тұрғында кезекті күрдерлі оталардың бірі - өңеш онкологиясын емдеу әдісі-Герлок операциясын жасаған.
- Онкологиялық орталықтың дәрігерлері-қарапайым адамдардың өмірін сақтап, салауатты болашаққа үміт беретін нағыз мамандар. Аурухананың барлық қызметкерлеріне жоғары білікті ем-домдары үшін және маған мұқият қарағаны үшін үлкен алғыс айтамын. Айта кетейін, операция маған МӘМС аясында мүлдем тегін жүргізілді, - дейді онкологиялық орталықтың емделушісі.
Айта кетейік, өткен жылы ШҚО онкология және хирургия көпсалалы орталығы онкохирургия бөлімшесінің дәрігерлері екі мыңға жуық жоғары технологиялық ота жасады.
Оқи отырыңыз
