ШҚО үшін тарихи шешім: Зайсан және Катонқарағай аудандарында жаңа әуежай ашылмақ (видео)
ҚР Көлік министрі Марат Қарабаев Шығыс Қазақстан облысына жаңа екі әуежайдың құрылысын жоспарлау мақсатында жұмыс сапарымен келді, - деп хабарлайды Altaіnews.kz тілшісі.
Қос әуежайдың құрылысы келесі жылы басталып, 2026 жылы аяқталады деп жоспарлануда.
- Әуежай кешендері сағатына 100 адамға дейін қабылдай алады. Әуежай алаңы тек шағын авиацияға ғана емес, сонымен қатар орташа қашықтықтағы ұшақтарға да арналады. Алматы мен Астанадан Катонқарағай және Зайсан аудандарына тікелей рейстер болады, - деді министр.
Сонымен қатар, Марат Қарабаев ұшақтардың сиымдылығы бойынша үш нұсқа қарастырылып отырғанын атап өтті. Біріншісі - сиымдылығы 12-18 орындық L400 ұшағы, екіншісі - сиымдылығы 80-88 орындық ұшақ (QAZAQ AIR ұшақтары), үшіншісі - 180 орындық боинг 320.
- Әзірге біз екінші нұсқаға тоқтап отырмыз. Бұл ұшақтар Алматы және Астана қалаларынан Зайсан мен Катонқарағай аудандарына тікелей рейспен қатынайды. Егер туризм дамитын болса, онда бізде ұшу-қону жолағын кеңейту мүмкіндігі болады. Яғни, әуежайлар сиымдылығы 180 адамға дейін үлкен кемелерді қабылдайды, - деп қосты Марат Қарабаев.
Шығыс өңірінде қос әуежайды салу тарихи оқиға және туризмді дамытуға жасалған келелі қадам.
00:00
00:00
Ақерке Рағызбаева
Оқи отырыңыз
