2024 жылдың 2 желтоқсанында ШҚО филармониясында мектеп бітіруші түлектерге арналған Grant Fest фестивалі өтеді. Бұл іс-шара 10-11 сынып оқушыларына жоғары оқу орындары мен болашақ мамандықтарын таңдауда қолдау көрсетіп, қажетті ақпарат алуға мүмкіндік береді.

Фестивальдің мақсаты:
Оқушыларға жоғары білімге қол жеткізу жолдарын түсіндіру;
Саналы мамандық таңдауын жасауға көмектесу;
Білім беру саласындағы соңғы жаңалықтармен таныстыру.

Фестиваль аясында еліміздің жетекші университеттері, соның ішінде басқа қалалардан келген оқу орындары, өздерінің бағдарламалары мен мүмкіндіктерін таныстырады. Қатысушылар университет өкілдерімен жеке сұхбаттасып, қызықтырған сұрақтарына жауап алады. Сондай-ақ ЖОО өкілдері мен сала мамандары оқушыларға білім беру трендтері, мамандық таңдаудағы маңызды факторлар туралы баяндама жасайды.

Бағдарлама:
14:00-15:00 – Жоғары оқу орындарының көрмесі
15:00-17:00 – Конференция

Өтетін уақыты: 2 желтоқсан 2024 жыл
Өтетін орны: ШҚО филармониясы
Ұйымдастырушы: «Grant» білім беру орталығы