Алтай ауданы – Оқушыларға көгілдір жеңіс ленталары таратылды (видео)
Алтай ауданындағы барлық білім беру ұйымдарында патриоттық бағыттағы «Жеңіс лентасы» атты көгілдір ленталар тарату акциясы өтті, деп хабарлайды Altainews.kz тілшісі.
Акцияның басты мақсаты – Ұлы Жеңістің батырлық жылдарын, ел үшін жанын қиған боздақтарды еске алып, олардың ерліктерін бүгінгі және болашақ ұрпақтың жадында сақтау.
– Іс-шара аясында болашаққа бейбіт өмір сыйлаған ата-бабаларға құрмет көрсетілді. Акцияға қатысқан әр адам Ұлы Жеңістің естелігін сақтау ісіне өз үлесін қосты, – деп мәлімдеді Алтай ауданының білім бөліміндегілер.
Жеңіс лентасы – майданда да, тылда да ерлік көрсеткен халқымыздың батырлығы мен қайсарлығын білдіретін символ. Акция барысында 5 мыңнан астам лента таратылды.
– Жеңіс лентасы – ортақ құндылықтарымызды біріктіретін символ. Ол – елімізді қорғаған барша жандарға деген алғыс пен құрметтің белгісі. Бұл лента – Ұлы Жеңіске деген мақтаныштың, Отан қорғаушыларға деген ризашылықтың символы, – деді №6 орта мектептің бастауыш сынып мұғалімі Елена Орлова.
Дмитрий Чжан
Фото/видео: Алтай ауданының білім бөлімі
Оқи отырыңыз
