9 мамыр күні кешке Алтай қаласында Ұлы Жеңістің 78 жылдығына арналған «Шырақ жағу» патриоттық акциясы ұйымдастырылып, мерекелік концерт өтті.

Акцияға қала тұрғындары мен қонақтары қатысты, деп хабарлайды Altaynews тілшісі.

Қатысушылар Екінші дүниежүзілік соғыста қаза болғандарды құрметпен еске алуға жиналып, майданда қаза тапқан батырлардың құрметіне шырақ жақты.
Ал кешкі іс-шаралар «Greenwalls» тобының орындауындағы «Жеңіс әндері» мерекелік бағдарламасынан басталды. Концерттік бағдарламада соғыс жылдарындағы белгілі әндер шырқалып, жиылған қауым орындаушылармен бірге ән шырқады.