"Nur Otan" партиясынан облыстық мәслихатқа үміткер, «Юбилейный» ЖШС-нің директоры Мамырбек Қарашев Көкөзек және Көлденең ауылындағы тұрғындармен кездесу өткізіп, "Nur Otan" партиясының 2021-2025 жылдарға арналған сайлауалды бағдарламасындағы жеті басымды бағытты түсіндірді және партияның осы уақытқа дейінгі мерзімде атқарылған жұмыстар бойынша есеп берді.

Мамырбек Бақтығазыұлының айтуынша, Үржар ауданы туристік әлеуетке ие. Соңғы 3 жылда орналастыру орындарының саны артып, сыйымдылығы 11,5 мың төсек-орынды құрайтын 176 объектіні құрады. Алакөл еліміздің туристік картасының басымдықты 10 аймағына кірді. Аудан аумағында орналасқан көлдің солтүстік бөлігі жағажай және 6 емдеу-профилактикалық туризмін дамыту жоспарында ең перспективалы болып табылады. 

– 2022 жылы жағалауды абаттандыру және 25 жаңа демалыс үйлерін, су құбырларын, кәріз желілерін және жоғары вольтты электрмен жабдықтау желілерін салу жолымен Алакөл көлі жағалауының инфрақұрылымын жақсарту қарастырылған. 2021 жылы Үржар ауылы әуежайының ұшу-қону жолағын қайта жаңарту, 2023 жылы «Барлық-Арасан» шипажайында емдеу-сауықтыру туризмін дамыту көзделген. Сондай-ақ «Тарбағатай» мемлекеттік ұлттық табиғи саябағының аумағында эко-туризмді дамыту (кемінде 4 туристік экологиялық маршруттарды әзірлеу және бекіту) қолға алынады. Нәтижесінде 2025 жылға қарай туристер ағынын 37% - ға (140,9- дан 200 мың адамға дейін) арттыру жоспарлануда. Мұның бәрі елдегі жетекші "Nur Otan" партиясының арқасында мүмкін болып отыр, – деді кандидат Мамырбек Қарашев.

Nur Otan партиясының 
Шығыс Қазақстан облысы Сайлау қорының қаражатынан төленді