KZ
Өскемен
+6°
ясно жел 4 м/с, СБ
443.85 474.3 4.8

Қаңтар-ақпанда 15,5 мың тонна қант өндірілді

Фото: hvylya.net

3.04.2024, 22:15 53 Айжанат Бақытқызы

2024 жылдың қаңтар-ақпан айларында қызылша қантының немесе тазартылған қанттың өндірісі 15,5 мың тоннаны құрады, бұл 2023 жылдың сәйкес кезеңімен салыстырғанда 4 есе аз, деп хабарлайды Altainews.kz сайты Naryk.kz сайтына сілтеме жасап.

Қант дағдарысына дейінгі кезең - 2022 жылдың қаңтар-ақпан айларымен салыстырғанда өндіріс көлемі 40,3% төмендеген.

Қаңтарда отандық қант зауыттары 6 мың тонна қант өндірді, бұл 2023 жылдың қаңтарымен салыстырғанда 5,4 есе аз. Осы кезеңде импорт тек 23,3% қысқарып, олардың үлесі 49,2%-дан 80,2%-ға дейін өсті. 2024 жылғы қаңтарда экспорт пен реэкспорт 10,5 мың тоннаны құрады, ал ішкі нарықтағы сату бір жыл ішінде 3,2 есе азайып, 19,8 мың тоннаны құрады.

Бір кило қанттың орташа бөлшек сауда бағасы 2023 жылғы ақпандағы 458 теңгеден 2024 жылғы ақпанда 391 теңгеге дейін төмендеді. Дегенмен, бұл 2022 жылдың ақпан айындағыдан айтарлықтай жоғары, түйіршіктелген қант орташа есеппен килосына 296 теңге болды.

Биыл наурыз айының соңында түйіршіктелген қант бағасы айына 3,2% өсті, бұл 2022 жылдың шілдесінен бергі ең жоғары көрсеткіш. Салыстыру үшін: ақпанда қант 1,5%, өткен жылдың наурыз айында – 2,2% арзандаса, 2022 жылдың наурызында 34,3% қымбаттаған.

Бір жыл ішінде қант 10,1% арзандады. Салыстыру үшін: бір жыл бұрын түйіршіктелген қант бағасы 11,8% өскенін көрсетті.

Өткен жылдың наурыз айымен салыстырғанда еліміздің барлық өңірлерінде қант арзандады. Баға Ақтөбе облысында айтарлықтай төмендеді: минус 15,2%. Одан кейінгі орында Абай және Қарағанды облыстары: тиісінше минус 14,9% және минус 14%.

Қант ең аз арзандаған өңірлер – Ұлытау (минус 3,1%), Солтүстік Қазақстан (минус 5,3%) және Алматы (минус 6,5%) облыстары.

Сарапшылардың пікірінше, мұндай өндірістік көрсеткіштермен бағалар бойынша жаңа тосын сыйлар күтуге болады.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив