Елімізде бөлшек сауда 8,8%-ға өсті
![](/kz/uploads/posts/2023-08/0kakdnci.webp)
Фото: inbusiness.kz
2023 жылғы қаңтар-шілдеде бөлшек сауда көлемі 2022 жылғы қаңтар-шілдемен салыстырғанда 8,8%-ға өсіп, 9 трлн 481 млрд теңге болды, деп хабарлады Стратегиялық жоспарлау және реформалар агенттігінің Ұлттық статистикалық бюросы.
Бөлшек саудадағы тауар айналымы өткен жылдың сәйкес кезеңімен салыстырғанда 11,7%-ға өсіп, 6 трлн 779 млрд 200 млн теңгені құрады.
2023 жылғы 1 тамыздағы жағдай бойынша сауда кәсіпорындарының бөлшек саудадағы тауарлық-материалдық қорларының көлемі 1 трлн 465 млрд 500 млн теңгеге жетті.
Бөлшек сауданың жалпы көлеміндегі азық-түлік тауарларының үлесі – 29,9%, азық-түлік емес тауарлар – 70,1%.