Облыста медициналық қызмет көрсету сапасын арттыру мақсатында Денсаулық сақтау жүйесінің инфрақұрылымын дамыту, медициналық ұйымдардың материалдық-техникалық базасын нығайту, кадрлар даярлау бойынша жоспарлы жұмыс жүргізілуде.

Өңірде қазіргі күні қолжетімді және сапалы акушерлік-гинекологиялық көмекті қамтамасыз ету үшін медициналық көмек көрсету қызметін дамытудың үш деңгейлі интеграцияланған моделі құрылған, деп хабарлайды Altaynews тілшісі.

Биыл Катонқарағай және Зайсандағы аудандық ауруханаларда перзентханаға күрделі жөндеу жүргізіліп, босануға көмек көрсетудің екінші деңгейіне ауысқан. Бүгінгі күні Зайсан қаласы мен Үлкен Нарын ауылындағы жаңартылған перзентханалар өз пациенттерін қабылдап жатыр. Бөлімшелер жүктіліктің 32 аптасында туылған сәбилерді көтеруге арналған заманауи медициналық жабдықтармен жабдықталған.

Сондай-ақ ағымдағы жылы Ақжар және Күршім ауылдарындағы аудандық ауруханалардың босандыру бөлімшелерін І-ден ІІ-деңгейге ауыстыру жоспарлануда.