ШҚО-ға жұмыс сапарымен келген денсаулық сақтау вице-министрі Вячеслав Дудкин Өскемендегі Ана мен бала орталығының жұмысымен танысып, медициналық генетика зертханасында болды.

Vanadis Perkin Elmer инвазивті емес пренаталдық тестілеу зертханасы Ана мен бала орталығында орналасқан, деп хабарлайды Altaynews.kz тілшісі.

Жүйе баланың жетілуінде паталогияны анықтау үдерісін айтарлықтай жеңілдетеді, тәуекелді 99 пайызға дейін жоғары дәлдікпен анықтайды.

Егер толық қуатта жұмыс істесе ана мен бала өлімін азайтуға септігін тигізеді. Мамандардың айтуынша, жүйе толық қуатта жұмыс істеуі үшін арнайы тариф алу керек. Яғни қаржы бөліп, өңірдің тәуекел тобындағы жүкті әйелдерге біртіндеп зерттеу жүргізуге мүмкіндік бар.

Денсаулық сақтау вице-министрі Вячеслав Дудник бұл мәселе құзыретті мамандарды тарта отырып қаралатынын, нақты шешім содан кейін қабылданатынын атап өтті.