Қазақстанның көптеген ірі қалаларында бар ірі сауда кешені Өскемендегі бұрынғы Арзан сауда орталығының орнына ашылады , деп хабарлайды Алтайньюс тілшісі yk.kz сайтына сілтеме жасап.

Шаhар басшысы Жақсылық Омарға есептік кездесу үстінде осы жазда жабылған «Арзан» көтерме сауда орталығы туралы сұрақ қойылды.

-              Мен инвесторлармен кездестім. Арзанның орнына енді Магнум ашылатын болады, - деп жауап берді қала әкімі.

Алайда жаңа супермаркеттің қай уақытта ашылатыны айтылған жоқ.

«Магнум» компаниясы Қазақстанда 13 жыл жұмыс істеп келеді. Осы уақытқа дейін Қазақстанның 13 қаласынан 87 филиалын ашқан.