Бүгін таңғы 6.30 шамасында өскемен қаласының орталық алаңында екі шетел көлігі соқтығысты, деп хабарлайды Алтайньюс тілшісі.

Жол апаты Сағадат Нұрмағанбетов және Қазақстан көшелерінің қиылысында орын алды. Тойота Виста Қазақстан көшесінде Орталық базар бағытында кетіп бара жатқан. Осы кезде Сағадат Нұрмағанбетов көшесімен келе жатқан Тойота Хайлюкс бағдаршамның ескерту сигналы жыпылықтап тұрған жол қиылысына шығып кетіп жол апаты орын алды. Қатты соққыдан джип көлігі аударылып кетті.

Оқиға орнына полиция наряды келді. Жол-көлік оқиғасының жай-жапсары анықталуда. Куәгерлердің айтуынша жол апатынан адамдар жарақат алмаған.