Шемонаихадағы газ баллондарын толтыру станциясында жарылыс болды
Фото: ШҚО ТЖД баспасөз қызметі
22 маусым күні Шемонаиха қаласында Украинская көшесіндегі газ баллондарын толтыру станциясында жарылыс болды.
Жарылыс салдарынан зардап шеккен 2 адам ауруханаға жеткізілді, деп хабарлайды Altaynews тілшісі.
Газ баллондарын толтыру станциясында жарылыс болып, өрт шықты. Тілсіз жаудан 5 бірлік техника бүлінді. Қазіргі уақытта өрт оқшауланып, ауданы анықталуда. Сөндіруге 5 өрт сөндіру автокөлігі және жеке құрамның 12 адамы жұмылдырылды, дейді ШҚО ТЖД баспасөз қызметі.
Жарылыс салдарынан 2 адам термиялық күйік алып, тез арада ауруханаға жеткізілді. Тұрғын үйлер мен орман қорына ешқандай қауіп жоқ.
