Жаңаөзендегі жарылыс, адам шығыны бар
Фото: ашық дереккөз
Жаңаөзендегі жарылыстан 1 адам қаза тауып, 13 адам зардап шекті.
Бұл туралы Маңғыстау облысы әкімінің баспасөз қызметі мәлім етті, деп хабарлайды Altaynews тілшісі
Еске салайық, 17 сәуір күні сағат 05.04-те Жаңаөзен қаласында екі кіреберісті, 12 пәтерлі қос қабатты тұрғын үйдің екінші кіреберісіндегі пәтерінде жарылыс болды. Болжам бойынша газ қоспасы жарылып, 150 ш.м аумақ зақымданған.
«Сағат 08.30-да үйінді астынан алты адам шығарылды. 08.30-ға дейін 13 адам зардап шекті, оның ішінде 1 мәйіт табылды. 5 адам ауруханаға жатқызылып, 7 адам үйіне қайтарылды», делінген баспасөз мәліметінде.
Жарылыс салдарынан 3 пәтер зардап шекті. Тұрғын үй газдан ажыратылған. Қазір аумақ үйіндіден тазартылып, оқиғаның себептері мен жағдайлары анықталуда. ТЖД жедел штабы мен сенім телефоны жұмыс істеп тұр.
Оқи отырыңыз
