17-18 тамыз күндері Өскеменде триатлоннан қатарынан бірнеше республикалық жарыс өтеді. Бұл туралы olympic.kz сайты хабарлайды.

Бірінші күні жарыс жолына U15 санатындағы спортшылар шығып, ел чемпионаты аясындағы «супер-спринт» сайысында бақ сынайтын болады. Сондай-ақ бұл күні 17 жасқа дейінгі атлеттер арасында Гундерсен жүйесі бойынша өтетін «супер-спринт» жарысы ұйымдастырылмақ. Бұл сын ел кубогы аясында өтеді.

Бұған қоса U19, U23 және Elite санатындағы спортшылар Қазақстан кубогы үшін жарысқа қатысады деп жоспарлануда. Белгілі болғандай, Қазақстан триатлон федерациясы ұйымдастыратын додада барлығы 50-ге жуық кәсіпқой спортшы өнер көрсетпек. Сонымен қатар бұл күндері облыс орталығында әуесқойлар арасында да жарыс өтетінін атап өткен жөн.