ШҚО денсаулық сақтау басқармасы 9-10 маусым аралығында медицина қызметкерлері арасында жазғы спартакиада өткізеді.

Спартакиада 9 маусымда футболдан іріктеу турларынан басталмақ, деп хабарлайды Altaynews тілшісі.

Медицина қызметкерлері арасындағы спартакиаданың мақсаты – медицина қызметкерлерінің дене белсенділігінің маңыздылығын түсіндіру, медицина қауымын денешынықтырумен айналысуға жұмылдыру, медицина қызметкерлерінің өз денсаулығына ортақ жауапкершілігін қалыптастыру болып табылады.

Спартакиаданың  салтанатты ашылу салтанаты 10 маусымда Самал саябағында өтеді.

Шара аясында футбол, жеңіл атлетика, армрестлинг, триатлон, сумо, арқан тарту, гір көтеруден жарыстар жоспарланған.